Kus-safari (Grot-toer en strande)

Die mooiste strande ter wêreld

Tel ‘n skulp op terwyl jy saam met ‘n gids op die strand rondstap. Baljaar alleen in die branders. Of lê sommer net in die son op die sand. ‘n Besoek aan ons strande beteken dat jy kan ontspan en geïnspireer kan word, of alleentyd kan ervaar. Die keuse is joune.

Enkele kilometer van ons af is strande sonder enige inwoners, en totaal ongeskonde. Ons gidse weet van al die beste plekke en hulle sal jou soontoe neem en terugbring, en ons kan ook vir ‘n heerlike piekniekmandjie sorg.

Leer en verken

Ons begeleide grottoer in die dramatiese kalksteen-rotse van De Kelders sal jou ‘n wêreld uit die Steentydperk wys toe die grotte die tuiste van die Khoi, of Boesmans, was. Jy sal kan sien hoe hulle geleef het in Klipgat-grot, ‘n Wêrelderfenis-gebied. Dit sal geleentheid vir pragtige foto’s bied.
Dit is een van net drie plekke in Suid-Afrika waar sulke ou oorblyfsles gevind is. Leer meer daaroor deur te luister na die ingeligte kommentaar van ons gidse, en word so deel van ‘n vergange era.